تــخــونــيــنــي

تــخــونــيــنــي !





بعض هالناس في الدنيا تجيهم لحظة ويخونون
ولكن ما هقيت انتي بكل لحظة تخونيني

وأنا اللي صرت لك شاعر وأنا اللي عشت بك مفتون
وأثر عايش في أوهامي .. وعلى خبري تحبيني
عشقتك كيف ؟؟ ما أدري وقلبي في يدك مرهون
خنت حيلي يا قلبي ... ما هقى مره تعذبيني
عيون أرخصتها لأجلك.. لأجل عينك رخصت عيون
وأنا اللي كنت اظن لو إن ابيعك ما تبيعيني
عملت المستحيل وقلت عساه اللي بيكون يكون
حسبت الناس لو باعت .. مردك انتي تشريني
حملت همومك بصدري وخفت الناس لا يدرون
رجيتك طالب البسمة ... تبسمتي .. وطعنتيني
نزفت وما لقيت أحد يداوي ظهري المطعون
ولاني طايل طعوني .. عشان إيدي تداويني
لي الله يا هوى عمري أهو لي دايمٍ بالعون
أباشكي له ولا اظنه في ضيقاتي يخليني
أنا .. والليل .. والعبره .. ورابعنا شعر موزون
تكسر بعد ما سالت دموع الليل من عيني
أنا اللي لا كتب كلمة جميع الناس يتغنون
ولكن جيت يا وقت ٍ قصيدي صار يغنيني
أنا الحاير..أنا البائس..أنا الغافل..انا المجنون
أنا اللي ما فهم وقته..ولا اظنك فهمتيني
حقيقة معرفة طيب تجارة..والردي ملعون
خسارة وقتي الضايع..وكف يدنس ايديني
تعالي..ليش أنا اكتب لك قصيدة واترك المضمون
وأضيع وقتي فيك انتي..واخلي من يسليني
سنيني كلها ضاعت ولااحد فز وقال تهون
ما غير الدمعه في عيني..أواسيها وتواسيني
جزاته قلبي الطيب يكمل رحلته محزون
مدام الوقت ما يرحم..وعيّا لا يقسيني
ثواني بس أبي منك بأعلمك منهو فينا يخون
بأذكرك بالحكي كله..وكلمة ساكنه فيني
تقولين إنسى هالدنيا وأنا بانسى معاك الكون؟؟
نسيت الدنيا من أجلك..ذكرتيها..ونسيتيني